ياريت يكون غير الي كان
بقلم الشاعر والكاتب المسرحى احمد محمد زايد
ياريت يكون غير اللى كان
واللى حصل ايام زمان
ايام ماكانت البلطجه
فى الحته اتاوه على الجيران
ايام ماكان فيه فتونه
وعنف بسم الجدعنه
باطنها اسود م السواد
وظاهرها كلمه حونينه
شماريخ بتضرب فى الهوا
بالفشخره والفهلوى
ناس تندفن من غير كفن
والمرضى موش لاقيين دوا
والبلطجى بلاسته الحرير
نفوذه اكتر من وزير
وصيته من هنا لهنا
والناس عليه بتقول كبير
لو حتى كان مالوش امان
والناس ماتعرفلوش مكان
لكنه له فى الحى عصبه
وله زمايل فى اللومان
وبشله له على كل خد
وف كل مشكله الف يد
واسم موش على اى حد
وبصمه واشمه على الحيطان
واللى يقوللو يامعلمه
واللى يقوللو يامفهمه
مع أنه راجل بصمجى
لكنه زى المفرمه
ولو فتحت اللى مضى
تلقى الاهات ماليه الفضا
وقضايا كتير مالهاش عدد
ماليه ساحات المحكمه
ولما جات دولة قانون
وبقالها فى المطرح عيون
وحكم نافذ ع الجميع
بيه حل ع الكل الرضا
