آداب وفنون
عفش العروسة
بقلم / حامد شريفه
ودا عفش مين ودا عفش مين
اللي جابوه….. بالملايين
ودا عفش مين يا جاره
دا عفش ست الحاره
ناقص يجيبوا…طياره
أو بكتبولها ..عماره
دا عفش مين وانا كمله
دا أبوها بنفسه محمله
٥٠ عربيه ونيله
والهم لسه ف أوله
يا عالم إيه اللي جرا
والله دي العيشه خرا
والكل نازل نأوره
قول الغلبان يرجع ورا
عزالكم آخر مسخره
قافلين طريق القاهره
لو قام حريق يآكل الدره
لو فيه عيان أو حد جعان
ما يموت إيه يعني اللي جرى
المهم العفش يا سكره
مظاهر آخر مسخره
طب راعوا الناس الناظره
واللي ما معهمش التذكره
يجيب منين يسرق يا ناس
والله كده مات الإحساس
خلاص أنا قلت الكلمتين
ودا عفش مين ودا عفش مين
