آداب وفنون
قلم الرصاص رمحي
بقلم الشاعر والكاتب المسرحى احمد محمد زايد
قلمى الرصاص رمحى
لون بشرته قمحى
ملامحى من ملامحو
وملامحو من ملامحى
لما اصحا يصحالى
يكتب فى جورنالى
ويغنى موالى
لمصطفى وفتحى
وتملى ويايا
فى الرايحه والجايه
يدرس كل القضايا
ويشوف سبب جرحى
ويطالع الاخبار
فى كافة الأقطار
بالليل وبالنهار
لصالحكوا ولصالحى
قلم رصاص قناص
موش زومبجى وخباص
بيحب كل الناس
ويراعى مصالحهم
الود بينو وبينهم
لانه واحد منهم
لو حد زعلهم
عليه يصالحهم
هيمان بذكر الله
حبيب رسول الله
مايهمهوش ممحاه
ولا حسد منهم
قلم اصيل مسنون
بالشرع وبالقانون
عمره ما كان مجنون
وظلم واحد منهم
