لماذا هدد ترامب بـ تدمير  سلطنة عُمان.. وأشهرت واشنطن سلا|ح العقوبات في وجه الدولة الخليجية..

لماذا هدد ترامب بـ تدمير  سلطنة عُمان.. وأشهرت واشنطن سلا|ح العقوبات في وجه الدولة الخليجية..

بقلم/أيمن بحر

في البداية .. خلينا نبدأ بتصريحات ترامب من البيت الأبيض عشان اللي لسه ميعرفش …إن ترامبو طل علينا (أمس) وهو بيهدد علناً بتدمير سلطنة عُمان لو حاولت تسيطر على مضيق هرمز مع إيران.
وقال صراحة:….. (المضايق هتفضل مفتوحة وإحنا اللي هنشرف عليها.. وعُمان لازم تتصرف زي أي دولة وإلا هندمرها).

والنهاردة وفي أقل من 24 ساعة، وزير الخزانة الأمريكي “سكوت بيسنت” دخل على الخط وكمل حفلة التهديدات … بس المرة دي بسلا|ح الاقتصاد ووجه رسالة تحذير خاصة ومباشرة لعُمان، وقال إن أمريكا مش هتتسامح مع أي محاولة لفرض رسوم في المضيق، وهتستهدف بقوة أي جهة بتسهل الموضوع ده.

ليه أمريكا رافضة فكرة إن إيران وعُمان يفرضوا سيادة حقيقية علي المضيق ؟
الأجابة … لأسباب كتير أولاً واشنطن مش هتستفيد منها مادياً وثانياً ده بيكسر صورة الهيمنة الأمريكية وخاصة في المنطقة .. وثالثا والأهم انه بيعرقل خطط امريكا لخنق روسيا والصين وقت ما تحب .

طيب إيه اللي أستفز أمريكا وخلاها تتجنن بالشكل ده دلوقت ؟

٠السر في الكواليس اللي كشفها “علي باقري كني” لما أعلن إن طهران ومسقط بيعملوا مفاوضات عشان يحددوا “نظام جديد” لعبور السفن…ومش محتاجه اقولك إن العيون الأمريكية اكيد بتنقل معلومات حساسة من قلب المفاوضات دي .. لدرجة انها نقلت اللي يجنن الأدارة الأمريكية لدرحة التـ هديـد المباشر لعُمان .

عُمان بتلعب لعبة ذكية جداً بس خطيرة في نفس الوقت… بتحاول تستغل علاقتها المتوازنة عشان تخلي أمن المضيق في إيد دول المنطقة وتطرد التحالفات الأجنبية.. بس بعيون واشنطن دي مش وساطة.. ده تحالف مع إيران لفرض أمر واقع جديد!

في وسط كل العبث ده العالم بيدفع التمن غالي .. المضيق شبه مقفول فعلياً.. وأسعار النفط مع كل حركة او حتي تصريح بتضرب في السما و التضخم هياكل الأخضر واليابس، والهدنة اللي بدأت في 8 أبريل لا تزال على كف عفريت… أمريكا لسه بتحاول تضغط بكل قوتها عشان تمنع إيران من استغلال المضيق كورقة ضغط..وتجبر طهران عالأستسلام.

بأختصار كده.. أمريكا رأت بعيونها البساط وهو ينسحب من تحتها في الخليج… فقررت تستخدم أقصى درجات التهديد من (تدمير وعقوبات) ضد دولة مسالمة زي عُمان وفي نفس الوقت تخوف وتجبر السعودية وقطر عشان يسمعوا الكلام من سكات ويطبعوا رسمي هما كمان وميحاولوش يعملوا تقارب مع إيران نهائي من وراها.