الجرح الحزين
تحرير: أيمن بحر
ياما بكيت بأنين
علي جرح السنين
اه من الدنيا الغداره
تمشى وتدور دواره
ياما ناس ظلموني كتير
وجرحي مالوش مثيل
أقول الغدر دا مش طبعي
والايام جايره عليه
قلت ياريتني ابات مظلوم
ولا اشكي همي للسنين
واخبي جرحي في قلبي
وأعيش العمر حزين
الجرح ده جوا حشايا
خلاني اعيش الحكايه
واشكي لمين همي
ومين يحس بيه
اقول ياطيري يامسافر
خد معاك وجع الحزين
وخد مني الانين
انا مهما جري ليه
عمري ماهنسي السنين
اه من جرح الغدارين
اه من ظلم السنين
بكتب وأحكي لكل الناس
عن حبي اللي مليان اخلاص
كل الناس غدروا بيه
الا حبيبي دام ليه
في وقت ماخان الزمان
كان هو الامان
