الثبات على القيم

الثبات على القيم ليس جريمة

واحترام الأديان والثقافات حق لا

يقبل المساومة…..لا للمثلية التى

حرمها الله فى جميع الأديان

السماوية.

على مسئوليتى الشخصية…… هام….جدا.

🔴 قبل_أن_أدخل_فى_مقال_اليوم: عنوان شغلى وصفحتى والجرايد وكل جوهر عملى دائما هو قضية الوعى… أى كل هدفى الغرض منه توعية للمواطن المصرى وغيره… وهى صفحة صادقة بكل المعايير…بعون الله وفضله علينا كلنا ….فأنا وكل المصريين الذين يحبون تراب الوطن على كل المستويات من المسؤلية فى الدولة المصرية وحتى لو كنت خارج اعضاء الحكومة … الجميع يعرفون أنى مقاتل حقيقى فى كل مكان خدمت فيه وليس لي اى هدف غير الوقوف مع بلدى فقط هدفى هو مساندة ودعم مصر 🇪🇬 الحبيبة … ولا أخشى فى الله لومة لائم… وعندما أكتب على مسئوليتى الشخصية… فأنا أقول أنى المسئول عن كتاباتى التى أراها… وأتحمل مسئوليتها بالكامل وحدى… بعيداً عن الدولة المصرية…وعن جميع اعضاء الحكومة وكل الدولة المصرية .. أؤكد أن جوهر ما أكتبه دائماً هو قضية الوعى، وأن الغرض من كل مقال هو توعية القارئ بما أراه من قضايا تمس المجتمع والدولة والهوية والقيم. وما أكتبه يمثل رأيًا شخصيًا أتحمل مسئوليته كاملة، ولا يعبر عن أى جهة رسمية أو مؤسسة.⚫️ الى هنا كفى وسأدخل فى الموضوع بعد إذن حضراتكم:🔴البجاحة_وصلت ان بتوع الحريات وحقوق_الإنسان: إنهم عايزين يرفعوا أعلام الألوان فى وسط مباراة مصر وإيران القادمة فى كأس العالم!🔴 تخيل لَمَّا أكبر قوتين وبلدين فى العالم الإسلامى، سنة وشيعة، عايزين يحطوهم قدام الأمر الواقع ويطلعوا يعملوا دعاية للمثليين فى وسط الماتش بالعافية… الرياضة إللى المفروض بتجمع الشعوب وتقرب الثقافات، بقت دلوقتى بتتحول لوسيلة لفرض أجندات قذرة على شعوب كاملة…🔹️ الحكاية_بدأت لَمَّا قرعة كأس العالم وَقَعَّت مصر وإيران فى نفس المجموعة، والماتش إتحدد يتلعب فى مدينة سياتل الأمريكية… بس المشكلة إن المدينة دى كانت مجهزة من البداية وقبل القرعة أصلًا إن اليوم ده يكون يوم الإحتفال السنوى للألوان والهىء مىء، والطبلة والرء مش عايز أقول لفظ الخوا…جات🔹 لحد_هنا والفيفا كانت بتْسَكِّن الموضوع وبتقول إن الفعاليات دى هتكون تابعة للمدينة وهتتعمل برة الإستاد ومالهاش أى علاقة بالمباراة… لكن مع قرب ميعاد الماتش؛ الوش الحقيقى ظهر، واللجنة المحلية فى سياتل صَمِمِت تفرض الإحتفالات دى جوة الملعب، بل ووصلت الأخبار إنهم عايزين يخلوا رايات الكورنر بألوان عَلَم الألوان، ويسمحوا بدخول الأعلام المدرجات، عشان يعملوا علينا لقطة واضحة ومقصودة لإستغلال هوية الفرقتين المسلمتين وتمرير المنظر ده للعالم الإسلامى كله…🔹 طبعاً_زى_ما_هو_متوقع: رد الفعل من الدولتين كان قوى ومباشر…الإتحاد المصرى لكرة القدم ونظيره الإيرانى بعتوا خطابات رسمية شديدة اللهجة للفيفا بيرفضوا فيها المهزلة دى تماماً، ومصر أكدت إن الحاجات دى بتخالف ديننا وقانوننا وثقافتنا، وإيران لوحت بالإنسحاب الفورى لو إترفع أى علم غير علم البلدين جوة الملعب…

🔹 بس_برغم_ده_كله، لسه لحد دلوقتى شكلهم بيخططوا لإنهم يرموا كلامنا فى الزبالة ويحطونا قدام الأمر الواقع، والموضوع بدأ يقلب معاهم بِعِنْد وبقوا شايفينها فرصة تاريخية لا تعوض لإنهم يفرضوا علينا الثقافة دى ويصدروها للمجتمعات بتاعتنا…

⚫️ وعشان_كده لو صمموا على التصرف ده، فإحنا هيكون قدامنا حل من إثنين مالهمش تالت…🔹 الحل_الأول وهو الأفضل والأشرف، إن مصر وإيران ينسحبوا بالإتفاق مع بعض من الماتش… والإنسحاب هنا مش هيكون خسارة، بل بالعكس ده هيكون بطولة تاريخية وفضيحة عالمية بجلاجل للفيفا إللى المفروض قانونها ميسمحش بأى شعارات سياسية… وفضيحة كمان لأمريكا وهتبوظ عليهم تنظيم المونديال وتعرى شعاراتهم المزيفة عن إحترام الثقافات الأخرى…🔹 أما_الحل_التانى: وإللى أنا شايفه مش صح بس ناس كتير طرحوه ف هقوله هنا، هو أن يكون فيه مظاهر رفض علنية وصادمة وقوية تهز الملعب وتفسد عليهم لقطتهم… مثلًا كابتن المنتخب يرفض تماماً يلبس أى شارة عليها ألوانهم، واللعيبة تنزل الملعب متأخر كنوع من الإحتجاج وميحضروش من البداية، وأول ما الماتش يبدأ، أى لاعب تجيله الكورة عند الكورنر يروح “يدوس بقدمه” على الراية بتاعتهم…🔹 أنا_عن_نفسى شايف إن لو الموضوع إتفرض علينا فعلاً، فالحل الأول هو الصح، لإن دى حاجة مفيهاش هزار…

🔹 كفاية_بقى_عليهم أوى العبط إللى بيعملوه، ولازم تكون فى وقفة حقيقية ضد فرض الأجندات دى… وطز فى الكورة لو هتخسرنا آخرتنا وشرفنا . 🔴 أؤكد مجددا 🔴 وانطلاقًا من هذا المبدأ، فإننى أرفض أى محاولة لاستغلال الأحداث الرياضية أو الثقافية أو الجماهيرية لتمرير رسائل أو أجندات محل خلاف دينى وثقافى، خاصة إذا كانت تتعارض مع معتقدات شرائح واسعة من الشعوب.🔴 الرياضة وجدت لتقريب الشعوب، ونشر روح المنافسة الشريفة، وتعزيز الاحترام المتبادل بين الثقافات، وليس لتحويل الملاعب إلى ساحات للترويج لأفكار أو مواقف اجتماعية أو سياسية مثار جدل واسع.🔴 وإذا كانت هناك شعوب ترى أن بعض الممارسات تمثل حرية شخصية، فإن من حق شعوب أخرى أن تتمسك بقيمها الدينية والثقافية، وأن تطالب باحترامها وعدم فرض رؤى مغايرة عليها داخل المناسبات الرياضية الدولية.🔴 إن احترام التنوع الحقيقى يعنى احترام اختلاف الثقافات والأديان أيضًا، وليس مطالبة الجميع بتبنى رؤية واحدة أو اعتبار رفضها سببًا للهجوم أو الاتهام.

🔴 كما أن لوائح العديد من البطولات الدولية تؤكد ضرورة تجنب استخدام المنافسات الرياضية كمنصة للدعاية السياسية أو الأيديولوجية، حفاظًا على حياد الرياضة وجمعها للشعوب لا لتفريقها.🔴 لذلك، فإن أى خلاف حول مثل هذه القضايا يجب أن يُدار بالحوار والاحترام المتبادل، بعيدًا عن فرض الأمر الواقع أو استغلال الأحداث الرياضية لإثارة الانقسام.🔴 تعليقى:🔴 ستظل القيم الدينية والثقافية جزءًا من هوية الشعوب، كما سيظل احترام الإنسان وكرامته واجبًا تجاه الجميع. والاختلاف فى الرأى لا يبرر الإساءة إلى الأشخاص، كما أن التمسك بالمعتقد لا يعنى قبول فرض أفكار تتعارض معه. والرياضة تبقى رسالتها الأسمى هى المنافسة الشريفة، وجمع الشعوب على الاحترام المتبادل، بعيدًا عن أى استقطاب أو صدام فكرى او اخلاقى .🔴 ❤ 🇪🇬 .. حفظ الله مصر ارض وشعب وجيش وحفظ الله الزعيم السيسي البطل ، وحفظ شعوب المنطقة من ويلات الفوضى والصراعات. 🇪🇬🇸🇩 🥀 والحمد لله رب العالمين…﴿ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ)