آداب وفنون
زجل
زجل
عجيبة
بقلم شريف شحاته مصر
أفرح وأقول فرحة قريبة تبعد عني حاجة عجيبة
تجرح قلبي وتصيب فيا من غير حبيب ولا حبيبة
أوقات صعبة طويلة عليا تهدم فيا بصورة غريبة
كارثة تمر وراها كوارث فوق راسي ألف مصيبة
عايش الدنيا كأني غراب عيشة ضنك وحالة هباب
كل صباح أفطر بالفول مع فلافل وحاجة عذاب
وقت الغدا نتغدي بقول نفسنا مرة صحن كباب
شوربة عدس هم يطول حد يقولى فين الأسباب
حتي البن غالي مضروب ودة كيفي في المشروب
تشرب فنجان قهوة زيادة وكيفك يصبح مقلوب
الغش أصبح تجارة وعادة والزبون هو المغلوب
قلت أشرب الشاي السادة بس مش هو المطلوب
فكرت أخرج مع الناس أشعر بالتغيير وحماس
نزهة لطيفة وخفيفة وجدنا شجار بلا أي أساس
أصوات عالية ومخيفة فين الدم فين الإحساس
الدنيا معايا مش ظريفة ولا عيوبي هي الأساس
بقلم شريف محمد شحاتة
مصر
