منوعات
شايف خروف العيد
بقلم الشاعر والكاتب المسرحى احمد محمد زايد
…..
شايف خروف العيد
مبسوط قوى وسعيد
وفاهم أنه بدبحه
ح يتولد من جديد
لانه بعمره ضحى
فى صبيحة عيد الاضحى
وتعالى شوف الفيلم
تلقى المعانى واضحه
اتوزع حته حته
على كل اهل الحته
وداب فى جسم الكل
بصوره خمسه ف سته
بقرون وفروه صوف
وبقرن كان لفوف
داخل على الجزار
على الدبيح ملهوف
خروف قامه وقيمه
يشبه شجيع السيما
لاخاف من نار سماسم
ولا من سكين كريمه
