- من ضمن الجهود اللي بتتم حاليًا لزيادة الرقعة الزراعية هي العمل علي استصلاح اراضي بالصحراء الغربية فيما يعرف ب “الدلتا الجديدة” لخلق اراضي جديدة وتعمير الصحراء المهولة اللي بنمتلكها وفي نفس الوقت الدولة حاليا شغالة علي استصلاح الاراضي في سيناء بالعمل علي اللانتهاء من البنية التحتية من المواسير الناقلة للمياة لاستصلاح وزراعة “نصف مليون فدان” في شمال ووسط سيناء.
وبيتم تنفيذ المشروع حاليًا تحت إشراف الجيش المصري، وبيتم استخدام مياه الصرف المعالجة من محطة “بحر البقر” اللي بتعتبر من أحدث محطات الصرف الزراعي في العالم بمعالجة ثلاثية كمصدر رئيسي لتغذية المشروع بالمياه.
▪️طيب ايه حكاية الصحراء الغربية؟ ومشروع الدلتا الجديدة؟ وازاي هنوصلها مياة من الاساس؟
• نهر مصر الصناعي العظيم
طبعًا عشان تعمر مساحة كبيرة زي الدلتا الجديدة في الصحراء الغربية محتاج توصيل مياة بكميات كبيرة للاستصلاح الزراعي وهنا بيجي دور واحد من اهم المشاريع حاليا وهو مشروع النهر الصناعي.
بيتم الان تنفيذ النهر الصناعي وهو عباره عن قناة مائية ضخمه محفورة و مبطنه بتشق الصحراء الغربية وبيستوعب ٣.٦ مليار م٣ سنويًا من المياة اللازمة لري مشروع الدلتا الجديدة والي هيقوم علي استصلاح وزراعة ٢.٨ مليون فدان في الصحراء الغربية.
النهر الصناعي دلوقتي الدولة شغاله علي تنفيذه والمياة الي هتغذيه سنويًا واللي قدرها هيكون ٣.٦ مليار كما هو موضح منهم ٢ مليار هيكونو من تحلية مياه البحار والي انشأ محطاتها للتحلية في السنوات الي فاتت والباقي هيكون مصدره مياه نيلية و جوفية.
مشروع النهر الصناعي والدلتا الجديدة واللي مع بداية السنة دي هيتم تأمين التغذية الكهربائية للمشروع لبدء الزراعة الموسعة لأول مليون فدان بدايه من يناير ٢٠٢٣ ومن المتوقع زراعة اكثر من ٢.٥ مليون فدان خلال الفتره القادمة
• مشروع توشكى الذي طال انتظاره
مشروع توشكى اللي افتتح بعد سنوات من العطلة ومشروع شرق العوينات و مشروع المليون ونصف فدان وكمان مشروع الصوب الزراعيه غير مشروع مزارع سيناء الي اتكلمنا عنه فوق
# كلها مشاريع امن قومي ومشاريع هامة للدولة المصرية محتاجاها بشكل سريع عشان نعوض اللي فقدناه من الرقعة الزراعية في السنين السابقة ولو اكتمل المخطط ونجحت المشاريع دي بإذن الله وتم استكمالها بمشاريع اكتر الفترة الجاية الانتاج الزراعي هيختلف بنسبة كبيرة واللي هيكون له اثر علي السوق المصري واحتياجاته وعلي نسبة الصادرات للخارج واللي في ايدها انها تحسن وتقوم من مستوي اقتصادنا . ومازال السعى مستمر لتحقيق أهداف التنمية .
