لو هيا ماشيه بالدراع
أنا كان زماني وزير دفاع
الله على حرف اليراع
من غير دجل ولا شعوذه
شاعر أنا من غير متاع
وشعوري طيب والنبي
والحب هو مذهبي
حبي لربي وللنبي
ولكل أهلي وكوكبي
والبسمه هيا منصبي
لو هيا ماشيه بالهوى
بالحنجله والفهلوه
والحرف طاب لما استوى
بكتب رطب من غير نوا
والهم زال لما أنكوى
ودي ريشه طيرها الهوا
والدنيا ماشيه بقدرته
ربك كريم وبحكمته
واللي إشترى حتى اللي باع
متقولش ماشيه بالدراع
(حامد شريفه )
