آداب وفنون
راجل عادى
بقلم الشاعر
حامد شريفه
حامد عادي ومش موهوب
ومش عنتر ولا شيبوب
كمان عاشق راجل حساس
وصوت جوايا بيردد
يعيش حامد..وحامد عاش
وماشي جوه فى الحيطه
لنا ف مولد ولا زيطه
منيش شاعر ولا دياولو
يغور الشعر وعمايله
برص حروفي بالعافيه
حتى حروفي كمان حافيه
بلا أوزان ولا قافيه
لو أتكلم عن المحبوب
بقول الكلمه بالعافيه
برغم إن الحروف صافيه
سعات رآسي سعات مجذوب
اللي ف قلبي على لساني
سبحانه ربي سواني
وبسمة وشي تهواني
مليش ف اللف والدوران
بحب ولادي وبلادي
انا حامد راجل عادي
(حامد شريفه )
