آداب وفنون
اجمل انواع الحب
بقلم الشاعر والكاتب المسرحى احمد محمد زايد
…..
اجمل انواع الحب
اللى تأسس بيه اساسك
حب وطنك حب ربك
حب اهلك حب ناسك
حب قمرك حب شمسك
حب زرعك حب فأسك
حب الخير لجميع الناس
وجميلهم خليه على راسك
واوعى تحب الشر ف مره
ولا تشوف فى الشر مسره
شجر الشر بيطرح شر
ثمرة شر فى طعمها مره
خلى الحب لوجه الله
ماتخليهش لمال ولا جاه
كل المال والسلطان فانى
ولا يبقاش غير وجه الله
دنيا غروره بتلعب بينا
بملذاتها جات تغرينا
واللى يحيد ويمشى وراها
راح تغرز رجليه فى الطينه
علشان تنجا منها اصحالها
مايغركش زواقها ومالها
واعملها مزرعه للاخره
ولامنها تاكل الا حلالها
