احتياطيات الأمان لقيادة السيارات على الطرق الزراعية

مهم جدا الكلام ده ..
توعيه بخصوص قيادة السيارات ،،،،
الايام دي بقينا بنسمع كل يوم ويوم عن حادث سيارات مفجع ومن أسباب انتشارالحوادث .. إن
الايام دى بسبب العوامل الجويه بيتبخر ماء البحار وبتنخفض درجة حرارة الارض ويحدث تكاثف للسحب وينتج عنها سقوط امطار أو ضباب يصل إلى تواجد شبورة مائيه تحجب الرؤيا وغالبا ما تتأثر بها الطرق الزراعيه ..

المهم إللى الناس لازم تفهمه ..
يجب على سائقين السيارات الملاكى والربع نقل ..الحذر من الشاحنات الكبيره خلال الامطار او الضباب او انتشار الشبورة فقد تفقد حياتك
أنت غير موجود وغير مرئي بالنسبه للسائقين للشاحنات الكبيره إن لم تضىء أنوار سيارتك .🚍🚆

المهم إللى الناس لازم تفهمه ..
الايام دى فى تغيرات فى الجو ما بين سقوط أمطار و ضباب وشبورة وطين وزحلقه وغرس ..
إذا كنت ما تعرفش تتعامل مع الحاجات دى ازاى !!
ما تخرجش بعربيتك فى أوقاتها..

المهم إللى الناس لازم تفهمه ..
لو ماتعرفش قانون المشي بعربيتك ورا العربيات الكبيره على الطرق الزراعيه ماتمشيش ..
لأنك طول مانت خلف العربيات النقل الكبيره سواق النقل بيكلمك وانت مش فاهم اللغه ..

بيكلمك بالاشارات وبالانتظار
-🚘 لما يديك اشارة شمال معناها إن فيه حاجه في الطريق او فيه مقابل ماتعديش ..
– 🚗ولو اداك اشارة يمين فبيقولك الطريق مفتوح عدي ..
-ولو اداك الفلشرات بيقولك هدي قبل ماتعدي ..

أي نقل كبير إستأذن منه ألأول حتى لو انت كاشف الطريق وهو اللي يقولك عدي ..🚌
والسبب أنه بيجهز نفسه عشان تعدى وكمان مايكسرش عليك فجأه لأنه ماعندوش وقوف مفاجئ ..
اسأل الله تعالى أن يحفظنا ويحفظكم ويسلم الجميع .