هى دى مصر
بقلم الشاعر والكاتب المسرحى احمد محمد زايد
هى دى مصر اللى الناس عارفينها
اللى البعدا ماهش شايفينها
اللى الحب تمللى ف عينها
الله يخرب بيت كارهينها
اللى عليها نازلين دق
ولا واحد منهم على حق
دول عالم ماشين بالزق
هى دى رؤيتى ليهم
والزعلان م الحق يطق
لا نها ثقل العالم
دايما تقف ضد الظالم
بتحب الاصيل م الناس
ولا عمرها تحب الوارم
صاحبها بعنايه تختاره
وتعزه وتعرف مقداره
ولا حد يقدر يلوى دراعها
ولا يفرض عليها قراره
دوله بس بحجم قاره
اقرا تاريخها لو مش عارف
حضارتها اقدم حضاره
دوله عريقه ومش حشريه
ومش عنيفه ولا عنديه
ولا حدش فى الكون يجهلها
اسمها علم فى البشريه
طول عمرها دولة عظماء
اقرا تاريخ كل الاسماء
فى علوم على كل شكل ولون
ومن الفلاسفه ومن الادباء
