*★(مش زي غيري)★*
فكرت أعمل زي غيري
وأرمي ورا ضهري الهموم
وأدوس شوية على ضميري
وأعيش حياتي يوم بيوم
أهو كله ماشي بايع وشاري
إشمعنى أنا اللي والعه ناري
وأفضل ألفّ أنا ف مداري
لكني لما جيت أجرب
لقيت روحي مني بتهرب
ونفسي مش طالعة قوية
صوت الضمير صحا ف ثانية
وقالي: “لأ” دي سكة تانية
ودنياهم دي دنيا فانية
هتضيع معاها دا العمر ثانيه
دا لو تموت مسكين وصابر
ف الآخره تلقى ربك دا جابر
حمدت ربي ورميت فضولي
وسجدت سجده وارتاح ضميري
معرفش أعمل أنا زي غيري
(حامد شريفه)
