آداب وفنون
كفاية خوف
علشان نكسر أي خوف
اللي شاف منكر يبلغ
من غير خجل ولا كسوف
واللي يحتكر أي سلعه
بكره تنزل فى بطنه والعه
وفى السجن ياكل بالكفوف
النهارده نسمع بكره نشوف
والكلام مليان حروف
فتح عنيك وتعالى شوف
البلطجي وابن اللئام
واللي عايش ع الحرام
في لحظه يعمل خروف
واللي يمص ف دم الناس
يرفع أسعار دا شيطان خناس
رب العباد إسمه الرؤوف
رسالتي دي للناس وأهلي
الضمير قالي وندهلي
كفايه ذل كفايه خوف
(حامد شريفه)
