آداب وفنون
ما نعرف كام
ما نعرف كام
هي أيام وبتعدي ما نعرف كام
سنين العمر محدوده يدوب أيام
خلاص الشيب وصل بدري
بلا مناهده وليه وبكام
كلمه بقولها لولادي ودي أحكام
أمانه لما أكون عاجز
وعمري خلاص بقا حاجز
تكونوا عزوتي ومالي
وحلي كمان وترحالي
ما أنا ياما شيلت هموم
ولا عمري نسيتكم يوم
ويعلم ربنا القيوم
متحوجونيش فى يوم للغير
ولو حملي تقيل وكبير
ربي كريم رحيم وقدير
حافظلي كل أعمالي
لو كانت خير شايلهالي
وأيامي تفوت بسلام
ساعات بقيالنا هتعدي
ما نعرف كام
بقلم الشاعر / حامد شريفه
