#الخلاصة
كتب : احمدعبدالنبي
خلاصة الخلاصة وكواليس الكواليس وجاري التصفية 🔥ولرسمي وصل شغل فاخر من الاخر وتحدي
ياسين منصور أعلنها الموسم دا بقي اهلاوي ومحدش هيقدر يقف ضد الاهلي لا بيراميدز ولا غيره
ندخل في الصفقات والحلويات الشرقية والغربية
1️⃣ ابراهيما ديباتي المهاجم الايفواري في نادي جايس السويدي ودا بترشيح من كابتن سيد عبدالحفيظ وقدر يقنع بيه كابتن الخطيب وياسين منصور ،، واللاعب قوي جدآ ومحترم وهجام ومهاجم صندوق زي ما الكتاب بيقول ،،
و إبراهيما ديباتي ووكيله دخلوا فيديو كونفرس مع كابتن سيد عبدالحفيظ ووليد صلاح الدين وتم الاتفاق علي كل شئ
2️⃣ احمد طارق كنا أول ناس قولنا علي احمد طارق مدافع زد ودا من احسن المدافعين في الدوري المصري وقريب جدآ هيبقي قائد دفاع منتخب مصر اللاعب نسخة من سمير كمونة وفيه من عمر فايد لكنه اسرع بكتير ،، اللاعب طويل وقاطع كرات ويجيد العاب الهواء ،، وتم تفضيله عن ابو صبيحة لاعب إنبي بسبب العاب الهواء ،، كابتن وليد صلاح هو من اقنع الخطيب ب طارق وقاله نصا هيبقي احسن مدافع في مصر وافريقيا ،،
3️⃣ محمود الجزار لاعب البنك الاهلي ،، ودا خلاص أنهي كافة التفاصيل وقبض كمان لانه عقده بيخلص 2026 ،،
وأشرف نصار رئيس البنك الاهلي كان رافض يسيب اللاعب للأهلي بعد ما كان الأهلي طلبه هو وربيع واسامة فيصل ،، لكن طبعا علشان اشرف بيه زملكاوي اصر أنه يرفض وقال طارق مصطفي هدد بالاستقالة لو أي لاعب راح الاهلي وفجاءة بعتوا ربيع لحد ميت عقبة سبحان الله ،، دلوقتي الجزار في الاهلي وفيصل بعده بس لما عقده يخلص بعد موسم ونص ،،
4️⃣ اسد الحملاوي لاعب يونيڤيرسيتاتيا كرايوفا ،، اللاعب أنجز كل حاجة مع الاهلي ووكيله وتم إيداع مبلغ الشرط الجزائي في حساب اللاعب ،، اسد الحملاوي فلسطيني سويدي ومش هياخد مكان لاعب أجنبي في قائمة الأجانب ،،
5️⃣ يحي زكريا باك غزل المحلة والمنتخب المصري أنهي كافة إجراءاته مع الاهلي ،، والناس إللي بتقولك هو جدد مع الاهلي ،، تعالوا نفهم ببساطة ،، عقد يحي مع المحلة 3 مواسم ،، هو لما حصل إتصال مع الاهلي واتفقوا علي كل شيء المحلة طلب منه تجديد وتمديد سنة ل إثبات حسن النوايا ،، وقد كان اللاعب ممد عام آخر ليصبح عقده مع المحلة 4 أعوام وكدة كدة كان هيروح الاهلي عن طريق المحلة يعني موضوع التجديد دا موضوع روتيني ومأخوذ بيه في كل دول العالم ،، والأهلي عملها قبل كدة مع ديانج لما جدد معاه وطلعه إعارة
6️⃣ يوسف بلعمري لاعب الرجاء والمنتخب المغربي والباك ليفت العصري ،، اللاعب فيه شرط جزائي مع الرجاء وكمان عقده بيخلص 2026 اللاعب كان منتظر عقده يخلص في 2026 ويضم اللاعب فري لكن بعد الأزمات ومشاكل الجبهة اليسرى وإصابات شكري المتكررة ،، الاهلي قرر أنه يخلص م اللاعب في شهر يناير القادم ودخل في مفاوضات مع الرجاء والأمور حسمت ،، مبروك يوسف بلعمري 
وبس خلصنا بس أسمع الكلمتين دول
•| بعد كوارث الدفاع إللي حصلت في اخر مباريات والممتدة من الموسم إللي فات الاهلي قرر يعمل تصفية في خطوط الفريق
خط الدفاع ،،بيع نهائي ل اشرف داري ، واعارة العش وبيع احمد رمضان بيكهام ،، مع التعاقد مع كل من أحمد طارق و محمود الجزار و عودة محمد عبد المنعم وتخليص علاء غرام التونسي.. علشان الناس إللي بتقول كتير.. الاهلي كدة هيجيب واحد زيادة بس هيخرج تلاتة ويدخل أربعة يبقي فين الكتير بقي ؟! ياريت نقراء البوست كويس يا جماعة قبل ما نقول كتير وقليل..دا مش بوست عزاء علشان كلنا نقول البقاء لله زي أول كومنت وخلاص
بالنسبة لخط الهجوم جراديشار طالع إعارة وشريف مش رأس حربة يبقي الاهلي مطلوب منه حوالي 3 مهاجمين استريكر
والأهلي مخلص مع الحملاوي وإبراهيما ديباتي وفي مهاجم تحت السن سنغالي صاعد بسرعة الصاروخ ،،
بالنسبة لخط الوسط والباك الشمال الاهلي هيخرج كوكا فهنجيب يوسف بلعمري ويحي زكريا وكمان فيه كلام علي توفيق محمد وهنكرر نفس الكلام تاني دول مش كتير لان كان بيبقي عندنا جيلبرتو وسيد معوض وأحمد شديد وطارق السعيد وأحمد أبو مسلم عادي بالنسبة للوسط بعد خروج ديانج وقفشة الاهلي هيجيب اوجيستين منصور وحامد حمدان الفلسطيني من بتروجيت
وافتحوا الصور في كمان لاعبين مفاجأة
كدة خلصنا كل حاجة عن الصفقات والحصريات
إحنا الأساس وغيرنا في الخبر محتاس
