صورة بتحكي حكاية بقلم :منى محمد

صورة بتحكي حكاية

تحرير: أيمن بحر

في صورة ساكتة… بس جواها ألف حكاية
عين بتبكي… وقلب تايه في النهاية
دمعة نازلة تقول: وحشتني
وصورة في الإيد لحد كان يوم أماني

بصّ ليها وقال: يا ريتك ترجعي
ده البُعد وجع… ومش سهل أبدًا يوجعني
كل اللي بينا لسه جوايا عايش
رغم إن الزمن قال: خلاص… مفيش رجوع تاني

يا صورة خدي مني سلامي
وقولي لها لسه ساكنة في أيامي
أنا مش ناسي ضحكتك ولا كلامك
ولا لحظة حب كانت أجمل أحلامي

يمكن عيونك في الصورة بتبكي
بس قلبي من بعدها بقى هو اللي يشكي
يا ريت الحنين يوم يحنّ علينا
ويرجع اللي ضاع من إيدينا

الحب مش صورة تتحط في برواز
ولا كلمة تتقال وتنتهي وخلاص
الحب ذكرى بتعيش مهما السنين تعدّي
وساعات دمعة… تفضح اللي القلب مخبّي