تنبيهات حياتيه
تحرير:أيمن بحر
لو ناجح ف حياتك الناس هتفضل تتكلم عليك
لو فاشل بردوا هيتكلموا عليك
لو بتحب الناس كلها وبتحب الخير ليهم بردوا هتلاقي
ناس بتتكلم وحش عليك ف ضهرك
لو بتحب القاعدة لوحدك ومابتحبش تقرب من الناس
هيسموه تكبر ويقولوا عليك مغرور ف نفسك
لو عملت أي حاجة ف الدنيا سواء كانت صح او غلط
حلوه ولا وحشه لازم تلاقي اللي بيتڪلم عليك وحش وف نفس الوقت بردوا حلو
ف انت ماتركزش مع كلام الناس عشان لو ركزت معاهم مش هتتقدم خطوه ف حياتك الناس كدا كدا هتتكلم
ركز ف حياتك ومع ربك وف شغلك ومستقبلك ومايفرقش معاك غير اللي خلقك
الشيخ الشعراوي قال ” لا ترهق نفسك بما يقال عنك الله يعلم ما ف قلبك وهذا يكفيك “, ف ركز مع ربك وإرمي كلام الناس ورا ضهرك
مش اي حد يقولك حاجة عن نفسك تصدقها
ومش اي ڪلمة تسمعها عنك تأثر فيك انت قيمتك كبيرة
اوي سواء الناس قالت او مقالتش
انت مكانتك عالية اوي حتي لو انت مش حاسس بكدا
اعرف قيمة نفسك وقدرها
حب نفسك وسامحها علي أخطاءها
انت انسان ومن حقك تغلط
اوعي تسمح لحد يلومك او يحسسك بالذنب
ماتعيشش دور الضحية واتحمل دايما مسئولية اختياراتك
خليك عارف ومتأكد انك عند ربنا حاجة كبيرة اوي
خليك عارف انك غالي وعزيز ومهم اوي عند ربنا
لو مكنتش مهم مكنش هيرزقك
مكنش هيكرمك
مكنش هييسر لك امورك
انت انسان ليك قيمة كبيرة اوي واللي يقولك غير كدآ
ماتسمعلوش ارمي كلام الناس ورا ضهرك
وامشي في سكتك
وانت رافع رأسك وواثق من نفسك
انت انسان جميل عظيم .. مهم
انت انسان رائع ومافيش حد زيك
