الأدب والشعر
سلام يا دنيا بقلم الشاعره منى محمد
سلام يا دنيا
تحرير: أيمن بحر
سلام يا دنيا على كل إنسان
نفسه يعيش في أمان
من غير خوف ولا أحزان
ولا طفل يبكي من الحرمان
سلام على قلب لسه بيحلم
وعلى إنسان للخير بيتكلم
وعلى إيد بتمد لإيد
وتقول له: تعالى نبدأ من جديد
كفاية وجع… كفاية دموع
كفاية قلوب عايشة في فزع وخضوع
خلّوا المحبة تجمعنا
والخير دايمًا يسكن بينا
السلام مش كلمة بنقولها
السلام روح نحيا بيها
نزرعها في قلوب ولادنا
وبالحب كل يوم نرويها
عايزين شمس تشرق علينا
وتضحك الدنيا حوالينا
ويكبر الطفل وهو مطمّن
ويحلم ببكرة ويعيش متهنّي
يا كل شعوب الأرض تعالوا
إيد في إيد ونقولها غالوا:
مفيش أغلى من السلام
ومفيش أجمل من الوئام
خلّوا السلام عنوان قلوبنا
والرحمة تجمع كل دروبنا
ونكتب على وجه الزمان:
سلام… سلام… لكل إنسان 🕊️
بقلم منى محمد
