من مكان واحد العالم هذا الصباح

حصريا : من مكان واحد العالم هذا الصباح

….. من لندن إلى واشنطن وموسكو

وتل أبيب العالم كله يشتعل ..ومصر

ليست وحدها فى مواجهة

العواصف….. نار الجنوب يشتعل..

مصر تضرب المهربين وتُسقط أكاذيب

الفتنة على الحدود السودانية

=========================

🟣 خَلَّصْتُوا ألش على مصر… على قطع الشجر… وقطع الكهرباء… وشبكة الطرق…!!

🟣 طب لو مش مبسوطين من العيشة فى مصر وشايفين إن العيشة فيها بقت صعبة…

يعنى ايه…… يعنى وسط حالة الجدل التى صاحبت الحديث عن قطع الكهرباء وقطع الأشجار والأوضاع المعيشية، يتصور البعض أن مصر وحدها التى تواجه الصعوبات، بينما تكشف جولة سريعة فى أخبار العالم أن العالم بأسره يعيش أزمات اقتصادية وسياسية وأمنية متلاحقة. 🟣 تعالوا ناخد لفة حول العالم….ونشوف أى حتة فى العالم أحسن من مصر ونعيش فيها…!!♦️إنجلترا :الإمبراطورية التى لا تغيب عنها الشمس ■ بس الأسبوع ده الرأى العام الإنجليزى كله كان مقلوب بسبب فضيحة هزت الرأى العام هناك…■ فضيحة من العيار التقيل بتلاحق ٤ أفراد فى عائلة من أغنى عائلات بريطانيا…■ كفاية تعرف إن عائلة بركاش هندوجا ثروتهم بتقدر ب ٣٧ مليار جنيه إسترلينى…!!■ ما بين قصور فى لندن وسويسرا وشركات تكنولوجيا وليلة كبيرة سعادتك…

■ العيلة البريطانية الواطية دى بقا المحكمة السويسرية حكمت على بركاش وزوجته وإبنه وبنته ب ٤ سنين سجن وتعويضات بملايين ليه بقا…..!!■ الراجل ده وعيلته كلها كان بيستقدم عمالة من الهند والدول الفقيرة وبياخد جوزات سفرهم وكل أوراقهم الرسمية وبيستعبدهم فى قصوره ودا من سنين حضرتك… وبيشغلهم فى السُخْرَة وبدون أجر…■ مش كدا وبس….!!

■ دا كمان حتى الأكل مبيأكلهمش… لدرجة إن المحكمة ذكرت فى حيثيات الحكم إن العيلة النتنة دى بتصرف على أكل الكلب بتاعهم عشر تلاف جنيه إسترلينى… فى حين بتصرف للعمال دول أكل ب عشرة جنيه إسترلينى!!!■ يعنى يا ولاد الكلاب بتأكلوا الكلب بعشرتلاف جنيه والبنى آدمين عشرة جنيه….!!!■ قالك آه ما هو الكلب بتاعنا لكن العمال دول بنى آدمين مش بتوعنا…■ مش كدا وبس….!!!■ دا كمان متوجه ليهم تهم بالإتجار بالبشر وإغتصاب وليلة كبيرة سعادتك…■ أيوه… دول أنضف عيلة فى إنجلترا إللى حضرتك بتتمنى تروح تعيش عبد هناك… علشان سيادتك نزلت من بيتك تجيب فينو ف لقيت العيال يا قلب أمهم قاعدين فى القهوة بيذاكروا!■ يا عم دا العيال ليل نهار صايعين فى الكافيهات ومش لاقيين حد يلمهم وبياخدوا فلوس الدروس والسناتر وبيصرفوها فى الكافيهات إنتوا جايين تصيعوا علينا وإحنا راجعين من الصياعة….!!ناو…!!!

كمان_فى اللى ماتتسمى _إنجلترا…■ الكهرباء كل يوم بتقطع عندهم لتخفيف الأحمال لدرجة ان مطار مانشيستر بتتوقف فيه الرحالات لمدة ساعتين وبيتم إلغاء رحلات كمان…■ دا مش كلامى حضرتك بجد… دا كلام وكالات الأنباء…

ولّا المسخرة إللى بتحصل فى مطار هيثرو إللى هو من أزحم مطارات العالم طب الأخبار تخلص على كدا فى مملكة الشر… أبداً…

كمان_فى_إنجلترا….الدِّين العام فى إنجلترا وصل ل…. ثانية واحدة وغمض عنيك كدا وتخيل الرقم…!!■ وصل ل 2 ترليون ونص جنيه إسترلينى…■ طب لو فكناهم بالدولار…؟

■ يبقى ديون إنجلترا لحد يوم النهاردة الاربعاء 24 يونيو تلاتة ونص ترليون دولار…■ ودا أكبر دين لإنجلترا من سنة 1960…■ إنجلترا مطلوب منها تسدد السنة دى إللى فاضل منها

5 شهور 44 مليار جنيه إسترلينى!!!■ طب تسدد إزاى وهى أصلاً من أول السنة دى ولحد دلوقتى إقترضت 33 مليار دولار دا فى نص سنة بس!!!■ طبعاً دا غير ديون أمريكا إللى وصلت 53 ترليون دولار وبوتين طلع فى المؤتمر الإقتصادى فضحهم وقال الدول دى مش هتسدد ديونها لحد!!!■ دول بياكلوا مال اليتيم عادى…!!■ دا غير ديون إيطاليا وفرنسا!!!!!؟طب إيه الحل…؟■ هام■ الحل من وجهة نظر النظام العالمى القديم إن لازم تقوم حرب عالمية علشان الديون دى كلها تروح فى الوبا وإللى ليه فلوس تروح عليه…■ آه حضرتك زى ما قريت صح كدا لازم تقوم حرب علشان الديون تتصفر……وصدق العبد لله حينما قال من سبع سنوات نحن فى اشد الحاجة لحرب عالمية ثالثة حتى يعاد ضبط العالم ضبط مصنع ■ أو يتخلق بؤر صراع فى كل حتة زى روسيا وأوكرانيا ويوقعوا عقوبات على دول زى روسيا ويتقالها ملكيش فلوس عندنا…■ وتقوم حرب بين الصين وتايوان ويوقعوا عقوبات ع الصين ويتقالهم ملكوش فلوس عندنا!!!■ أيوا دا نظام بلطجة عالمى…■ الناس زعلانة فى مصر علشان الديون وصلت 160 مليار دولار إتبنى بيهم بلد جديدة…■ أومال الدول إللى عليها بالترليون دول يعملوا إيه….!! يعنى اوضح اكثر 🔴 فى بريطانيا التى يعتبرها البعض نموذجاً للحياة المثالية، انفجرت فضيحة مدوية طالت عائلة هندوجا، إحدى أغنى العائلات البريطانية.🔴 صدرت أحكام بالسجن ضد أفراد من العائلة بسبب استغلال العمالة الوافدة واحتجاز أوراقها الرسمية وتشغيلها فى ظروف قاسية.🔴 القضية تضمنت اتهامات أخرى تتعلق بالاتجار بالبشر، وأثارت ضجة واسعة داخل المجتمع البريطانى.🔴 فى الوقت نفسه، شهدت بعض المطارات البريطانية اضطرابات أثرت على حركة الرحلات الجوية.🔴 الدين العام البريطانى وصل إلى مستويات قياسية، فى ظل استمرار الاقتراض وارتفاع الأعباء الاقتصادية.♦️ أمريكا… كوارث داخلية وصراعات لا تنتهى🔴 أمريكا: هما فين شوية الأوساخ إللى عندنا بتوع قطع الأشجار… تعالوا علشان أحكيلكم عن كارثة حصلت فى أمريكا الإسبوع ده ومحدش إتكلم عنها والإعلام كله فى العالم سوكمون بوكمون دا مش بمزاجهم حضرتك… لا دا غصب عنهم والجزمة فى بوقهم…■ الإسبوع إللى فات فى أمريكا قطار ماشى فى حاله فى حتة إسمها إيست بلستين…East Palestine … القَطْر ده إتقلب بكل حمولته!!! ■ فين بقا الحتة دى فى أمريكا يا معالى الجنرال…..!!!■ دى شمال غرب الولايات المتحدة الأمريكية…

■ طبعاً هتطلعلى واحدة إسكندرانية بحبها و “الحَر مفرهدها” وتقولى وإيه يعنى يا جنرال لَمَّا قَطْر يتقلب فى أمريكا… وهيخبوا

ع الدنيا كلها ليه دى بلد الديمقراطية والرز بالملوخية…. ■ يعنى هو دا إللى هيطرى علينا الجو يا جنرال …■ هقولك يا ستى… أبوس إيد الماما بتاعت الإنتى أصبرى وأسمعى للآخر…

■ القطر_ده مكانش قطر عادى دا كان محمل بمواد سامة زى كلوريد الفينيل الشديد السمومة وأكريليت البوتيل بس برضوا مش دى الكارثة حضرتك….!!■ الكارثة حضرتك إن المواد دى شديدة الإشتعال وقعدوا يطفوا فيها كتير….!!!■ إسبوع حضرتك…. قعدوا يطفوا فيها إسبوع!!!■ هتقولى لى طب الحمد لله إنهم طفوها… أخد الشر وراح!!!■ هقولك لاء طبعاً…!!■ علشان العلماء هناك قالوا إن المواد السامة إتبخرت لطبقات الجو هناك وجزء منها إمتصته التربة والمياه الجوفية وحصل أمطار… والعلماء هناك أخدوا 260 عينة من التربة من أماكن مختلفة وإكتشفوا الكارثة…■ إكتشفوا إن فى الأيام الأولى إن التلوث إنتشر فى مسافات أبعد مما يتخيلوا وحسب العينات إن التلوث وصل لمساحة 104 مليون كيلو متر مربع يعنى حضرتك قد مساحة مصر مرة ونص…■ وشملت المناطق 16 ولاية فى أمريكا وبعض المقاطعات فى كندا…■ يعنى حوالى 6 % من مساحة أمريكا….!!■ هل_بقا_سمعتم عن أى مواطن أمريكى طلع وقال للإدارة الأمريكية إنتم لوثتم الجو وسممتم البلد….!!■ عارفين كان هيحصل فيه إيه….؟؟■ كان هياخد بأوسخ جزمة…■ دا مش كدا وبس….!!■ دا الإعلام هناك ممنوع تماماً من الكلام فى الموضوع ده وحاطين جزمة فى بوقهم…■ يقوم يطلع عندنا ولاد البُوبى يقولولك أصل قطع الشجر عندنا هو إللى لوث الجو…■ هو أبو الهول مناخيره وقعت من شوية… ما هو من إللى شايفه من الشعب المتعاص!!كمان فى_أمريكا فى مناظرة بين بايدن الله يرحمه ويطول فى عمره وبين الحاج ترامب إللى متهم بقضايا جنسية ومش عايزينه يدخل الإنتخابات الرئاسية… وإللى مش متابع معايا من الأول “قصة ترامب” فترامب كان عمل سيكو سيكو مع واحدة أستغفر الله العظيم يعنى سنة 2016 والست تعبت وشقيت معاه والراجل إداها عراقها… آه هو مبيحبش ييجى على عرق الولايا…■ بس الست ولامؤاخذة يعنى وبعد عشر سنين ضميرها صحى وطلعت وقالت هو إدانى وإدانى جامد كمان… لو إنت فاكرنى بألش فلازم تعرف إن ترامب إداها فعلاً خمسة مليون دولار تمن سكوتها…■ بس الست تابت وضميرها صحى بعد عشر سنين بِرُوح أمها وفضحته… إبن حلال ويستاهل…واكثر …

■ فالإتنين طالعين فى مناظرة قال يعنى ديمقراطية وكدا…■ لا يا حبيبى الإتنين طالعين يفرشوا الملاية لبعض…■ والإتنين طالعين يعلوا على بعض على مين هيساعد إسرائيل أكتر…■ يا ترى مين هيجيب ضورافها بدرى بدرى ترامب ولا بايدن!!!■ هذا ما ستراه قريباً على قناة MBC2 … ♦️ روسيا… تحالفات جديدة ورسائل للعالم🔴 ■ فروسيا بقا المعلم بوتين الإسبوع ده قالك هو أنا لسه هستنى لَمَّا يتلموا عليا ويشموا نفسهم…!!

■ راح واخد نفسه وطالع على شبح المجرة… الراجل إللى مقطع بطاقته العم كيم رئيس كوريا الشمالية… وقاله بص يا صاحبى إحنا هنوقع إتفاقية دفاع مشترك… وإللى يرشك بالمية… هرشه بالدم…■ كيم رد عليه وقاله إشطة يا شقيقى وإللى هيبصلك بعين هفقع هومله….!!■ يسكت بوتين على كدا… أبداً…

■ راح باعت لإيران وقالهم إحنا عايزين نوقع إتفاقيات دفاع مشترك وإتفاقيات عسكرية وإقتصادية يحلف بيها العالم كله فى نفس الوقت إللى رئيس الصين راح فيها فيتنام ووقع إتفاقيات دفاع مشترك…■ ويطلع بعدها بوتين ويصرح ويقول إحنا كدا يا معلمين وصلنا لنقطة اللا عودة…■ تفهم إيه بقا من كل التحالفات دى والتصريحات دى….!!!

■ تفهم إن كل دى تحالفات ما قبل المدعكة العالمية التالتة إللى خلاص على بعد شهر أو شهرين بالكتير خالص إلا إذا….!!■ إلا_إذا ربنا رحمنا برحمته يا صديقى… ♦️ إسرائيل… خلافات داخلية واحتمالات التصعيد🔴 إسرائيل إسرائيل… مممم أقصد المتخرتأين… إسرائيل خلاص أخدت قرارها بضرب لبنان وحزب الله وهتبقا مدعكة…… طب إيه إللى معطلهم لحد دلوقتى….!!■ إللى معطلهم لحد دلوقتى وصول شحنات الأسلحة إللى جاية من أمريكا حضرتك…■ ودا بالكتير إسبوع أو إسبوعين…■ ووزير الدفاع رايح أمريكا ورئيس الوزراء جاى وتاكسى رايح وتاكسى جاى…

■ والتحركات إللى بتحصل فى البحر الأحمر والبحر المتوسط بتقول كدا حرفياً■ بس برضوا مش ده إللى لفت نظرى حضرتك…!!

■ إللى لفت نظرى خالتك الست أم يائير…!!

■ مين_بقا خالتى الست أم يائير يا جنرال…؟

■ الست أم يائير دى تبقا سارة مرات نتنياهو…

■ طلعت الإسبوع إللى فات وقالت جوزى وقُرَةُ عينى فى قيادات فى الجيش الإسرائيلى عايزين يطيحوا بيه ويعملوا إنقلاب عسكرى عليه…■ وراحت معرية راسها قُدَام الصحفيين وقالت دعيت عليهم دعوة وِلِيَّة ساعةعصرية… وقالت لأهالى الأسرى وهو فى زى أبو يائير ولا حَنَان أبو يائير…■ ودلوقتى فى خناقة كبيرة فى إسرائيل وإنهيار فى الجبهة الداخلية…

■ علشان كدا نتنياهو مستعجل جداً بالحرب مع حزب الله علشان ينقذ نفسه من الإنقلاب… وبيحاول يولعها قبل الإنتخابات الرئاسية الأمريكية علشان يبتز الرئيس الأمريكى!!!

■ بتوع حزب الله طبعاً مسكتوش وطلعوا وقالوا ورحمة المَرْقَد الشيعى فى كربلاء إللى مات من غير مَا يِرَفَس… لو قامت الحرب لنحتل شمال إسرائيل كله… وهتبقى حرب إقليمية…■ طبعاً دول بِيْعَلُوا….. ودُوُل بِيْعَلُوا عليهم… وحاجة آخر مسخرة بجد والبحر الأحمر والبحر المتوسط الفترة إللى جاية هيبقا آخر مدعكة…■ يقوم ييجى واحد نايم على بطنه لا مؤاخذة وهو بياكل البطيخ يقولك… هى الكهرباء بتقطع ليه!!!■ يا عم أبوس إيد أمك المقشفة… يارب تيجى على قد الكهرباء وبس دا إنت خريان ما داريان… ♦️ إثيوبيا… مأساة إنسانية يعيشها اللاجئون السودانيون🔴 ■ لا أنا مش جاى أكلمكم عن السد وكدا…■ السد ده دِيِتُه معروفة وسهلة جداً… متقلقوش خالص بجد…■ أنا جاى أكلمكم عن كل سودانى قال عن إثيوبيا أخت بلادى…■ تعالى يا حبيبى شوف أخت بلادك طلعت بنت حرام وبتعمل فيكم إيه…!!

■ اللاجئين السودانيين إللى ربنا كرمهم ووصلوا إثيوبيا مرميين فى غابات “أُولَالَا” فى إقليم أمهرة ووصل عددهم

10 تلاف لاجئ…■ طلع الإمام بتاعهم إللى كان بيقول أخت بلادى فى فيديو إنتشر فى كل حتة فى العالم إمبارح وقال… بقالنا 46 يوم مأكلناش حاجة غير ورق الشجر ومرميين فى الغابات… الأسود والضباع بتتغذى علينا…

■ ومعانا 2000 طفل ومفيش ولا منظمة إنسانية سألت فينا!■ تعالى بس يا بتاع الكهرباء بتقطع علينا بالساعتين وإحنا محبوسين فى الأسانسير إسمع الحتة دى علشان هتعجبك بجد…■ تعالى يا مصدى يا إللى بتقول أسلحة الجيش المصرى هتصدى من الرَكْنَة إسمع…بقالهم ٤٧ يوم مكالوش غير ورق الشجر وعصابات إثيوبية مسلحة كل يوم بتيجى تهتك عرض النسوان وتمشى…بيتهيألى نستحمل مصر فى ظروفها… علشان بيتهيألى برضوا حبستك فى الأسانسير شوية أحسن ما تلاقى عبد زنجى دخل عليك الأسانسير و….. ولا بلاش دى كلمة خادشة للحياء…■ السودانيين عايشين فى مصر بياكلوا فى أته محلوله ومش عاجبهم…■ أنا بقول يروحوا يجربوا العيشة فى أخت بلادى… وياخدوا معاهم الناس بتوع قطع الأشجار وبتوع الحَر وبتوع قطع الكهرباء إللى مش عاجبهم مصر… 🔴 نار الجنوب يشتعل.. مصر تضرب المهربين وتُسقط أكاذيب الفتنة على الحدود السودانية

🔴 معركة شرسة تدور على الحدود الجنوبية تخوض مصر مواجهة أمنية واسعة ضد عصابات تهريب الذهب المسلحة المعروفة بـ”الدهابة”، بالتزامن مع حرب إعلامية مضللة تستهدف الأمن القومي المصري والعلاقات التاريخية بين الشعبين المصري والسوداني.🔴 شائعات وفيديوهات مضللة حاولت قلب الحقائق انتشرت روايات زعمت أن الطيران المصري قصف مناطق داخل السودان، مع ادعاءات بسقوط أعداد كبيرة من الضحايا، فى محاولة لتصوير مصر كطرف معتدٍ.🔴 صور الأقمار الصناعية كشفت الحقيقةتحليلات الإحداثيات والرصد المفتوح أكدت أن العمليات تمت بالكامل داخل الأراضي المصرية، واستهدفت بؤرًا إجرامية تنشط في سرقة الذهب والمعادن النفيسة.🔴 حملة عسكرية ضخمة ضد لصوص الذهب والمهربين المسلحين

قوات إنفاذ القانون، بالتعاون مع المنطقة الجنوبية العسكرية ووزارة الداخلية، وجهت ضربات قوية لعصابات مسلحة تنشط فى مناطق جبل إيقات وجبل حريق وعقبة دقينة داخل الحدود المصرية.🔴 عصابات لا تضم سودانيين فقط العناصر المتسللة تضم جنسيات متعددة من دول إفريقية مختلفة، وبعضها سبق أن اشتبك مع قوات حرس الحدود المصرية وتسبب فى استشهاد ضباط وجنود أثناء أداء واجبهم.🔴 نسور الجو المصريون دمروا أوكار التهريب الطائرات المقاتلة والمروحيات نفذت ضربات مكثفة أدت إلى تدمير آلاف الطواحين والمعدات المستخدمة فى نهب الذهب.🔴 نتائج ضخمة بالأرقام تم ضبط 213 متسللًا، ومصادرة أسلحة وذخائر وسيارات دفع رباعي وأجهزة اتصال، مع إحباط عمليات تهريب ومخدرات وبضائع تقدر قيمتها بأكثر من مليار جنيه.🔴 إحباط ما يقرب من 100 ألف محاولة تسلل وهجرة غير شرعية

قوات حرس الحدود نجحت فى التصدي لعشرات الوقائع وضبط عمليات تهريب ضخمة تقدر قيمتها بنحو 40 مليار جنيه.

🔴 ميليشيات الدعم السريع والجنجويد حاولت إشعال الفتنة الأذرع الإعلامية التابعة لها استغلت الأحداث وروجت لاتهامات كاذبة ضد مصر، واستخدمت مقاطع قديمة وصورًا مضللة لإثارة الشارع السوداني ضد القاهرة.

🔴 الهدف كان ضرب مصر والجيش السوداني معًا الحملة الإعلامية سعت إلى تشويه صورة مصر وإظهار الجيش السوداني بمظهر العاجز، بما يخدم أهداف الميليشيات ويبرر استمرار حربها.🔴 التنسيق المصري السوداني كشف الأكاذيب التأكيدات الرسمية أوضحت أن العمليات تمت بتنسيق كامل بين القاهرة والخرطوم، وأن خطر العصابات والتهريب يهدد أمن البلدين معًا.🔴 رسالة واضحة: أمن السودان جزء من أمن مصر

المواقف الرسمية السودانية أكدت مشروعية الإجراءات المصرية فى حماية حدودها والتصدي للمهربين المسلحين.

🔴 تعليقى :مصر لم تكن يومًا دولة اعتداء أو احتلال، لكنها كانت وستظل دولة تعرف جيدًا كيف تحمى حدودها وتصون ثرواتها وأمن شعبها. ومن يتصور أن بإمكانه العبث بأرض مصر أو استغلال الأكاذيب لإشعال الفتنة بين المصريين والسودانيين، فليعلم أن الحقائق لا تحجبها الشائعات، وأن يد الدولة المصرية عندما تتحرك لحماية أمنها القومي لا تعرف التردد، ومن يقترب من حدود مصر أو يمد يده إلى حقوق شعبها، فلن يلوم إلا نفسه

🟣 كوكب تحيا مصر 🟣🟣وفى كوكب تحيا مصر… قلبى بيتخطف بجد لَمَّا بجيب سيرة كوكب تحيا مصر… ربنا يديمها علينا نعمة ويحفظها من الزوال… ويديم علينا الجيش المصرى العظيم وحلوانى مصر 🇪🇬 الحلو بزيادة الزعيم / عبد الفتاح السيسى…ربنا يحفظه.■ هتقولى إنت بتطبلهم يا معالى الجنرال…!!■ إسمع يا صديقى… قادتى وزملائى ودفعتى وضباطى عارفين إنى ضابط جرئ جداً… لا أخشى فى الله لومة لائم…وبحب مصر 🇪🇬 وارضها اكثر من نفسي واولادى ….ومع ذلك مؤدب جداً… آه يا عم بطبل لبلدى وبحبها وبعشقها أومال عايزنى أطبل لمين… دا أنا لو هاكُلْهَا بملح برضوا هَطَبِلَهَا وفى كوكب تحيا مصر…■ فاكرين من سنة بالتمام والكمال… كنت كلمتكم عن التعاون العسكرى بين مصر وكوريا الجنوبية…!!■ وإن الجيش المصرى كان عينه على المدفع الهاوتزر الكورى الجنوبى… وإنه فخر الصناعات العسكرية الكورية…وأقوى مدفع هوتزر على وجه الكوكب…!!■ آه مصر خلال شهور هتستلمه من كوريا الجنوبية… بس القصة والحدوتة مخلصتش على كدا حضرتك…■ دى القصة إللى راعبة إسرائيل إن مصر خلاص حصلت على تكنولوجيا تصنيعة وخلاص عملت خطوط إنتاج وبتصنع فيه حضرتك فى مصنع 200 الحريى…■ هتقولى طب وبنصنعه ليه يا معالى الجنرال… طب ما نشتريه أحسن…!!■ هقولك لو قامت الحرب العالمية التالتة مش هتلاقى حد يديك رصاصة حضرتك… وساعتها مش هيمسح دمعتك غير لا مؤاخذة… إيدك…🟣 كمان فى كوكب تحيا مصر…■ تعالوا بقا أحكيلكم عن مشروع مُرْعِب… لا دا مش مرعب وبس…..!! ■ دا مشروع مبيعملهوش غير الدول العظمى حضرتك…■ طبعاً كل الناس بتسمع عن الإحتياطى النقدى فى البنك المركزى أو الإحتياطى من الذهب وكل الناس متابعة ده… ■ الدول العظمى بقا عندها إحتياطى أهم مليون مرة من الإحتياطى النقدى والرئيس الأمريكى بنفسه هو إللى بيتابعه ومحدش يقدر يقرب منه غير بإذن من الرئيس نفسه…■ إيه_هو_بقا_الإحتياطى_ده يا معالى الجنرال…!!■ إحتياطى البترول حضرتك…!!

■ مصر بقا وفى عهد الزعيم / عبدالفتاح السيسى قرر إن مصر تبقا دولة عظمى!!!

■ طب_عمل_إيه…!!!■ تعالى بقا وخلينى أحكيلك القصة من الأول… مصر قررت تبنى أكبر خزانات للبترول فى إفريقيا والشرق الأوسط… وبدأت تبنى ٢٤ خزان… سعة كل خزان مليون ونص برميل بترول… قررت تبنى إيه…… وأزيدك من الشعر بيت… دا مصر خلاص بَنِت بالفعل حضرتك…■ هتقولى الله… طب هنخزن بترول ليه يا وزيرنا…وبالكميات الضخمة دى!!!■ هقولك تعالى كدا وتخيل وإسرح بخيالك…!!■ لو قامت الحرب العالمية التالتة من الصبح… طبعاً أكيد البحر الأحمر هيتقفل… هو أٌولْرِيدِى دلوقتى أصلاً مقفول…

والبحر المتوسط هيتقفل طبعاً قصاد التجارة العالمية… قولى بقا ساعتها هتعمل إيه…!!!

■ الدولة المصرية فكرت فى الموضوع ده من بدرى من سنة ونص… من أول ما بدأ العَوَق فى الكوكب كله…■ وِبَنِت 24 خزان بترول سعة الخزان الواحد مليون ونص برميل فى الصحراء الشرقية ورأس غالب… ودا مخزون إستراتيجى يكفى مصر لمدة 6 شهور…■ يعنى لو قامت الحرب من الصبح تقدر مصر تغطى إحتياجتها من البترول لمدة 6 شهور لحد ما ربنا يخلق فى قَضًاهُ رحمة… ■ هيطلع مواطن فَلُوطة ويجادل وتقولى طب لَمَّا إحنا جامدين أوى كدا وعندنا إحتياطى بالشكل ده ليه الحكومة مطلعتش منه فى أزمة الكهرباء وحلت المشكلة…!!!■ هقولك دا سؤال جميل جداً…!!■ ما لو حضرتك كنت فهمت كلامى بمستوى ذكاءك الذى لا يتعدى خرطوم الغسالة… كنت فهمت إن الإحتياطى ده مش هيطلع غير فى حالة الحرب حضرتك…

■ إنما دلوقتى الناس عايزة كهرباء علشان تتكيف …■ هتقولى طب ومصانع الأسمدة إللى وقفت دى بسبب الغاز يا جنرال…!!

■ شوف يا سيدى دا رأيى الشخصى…

■ تاخد بيه تاخد… متاخُدش إنت حر..

■ بعد العقوبات الأوروبية على روسيا ومنع الإستيراد من مصانع الأسمدة إللى فى روسيا…

■ تصدرت مصر المشهد وإحتلت مكانة روسيا كمصدر للأسمدة فى العالم…■ طبعاً بعد التطوير الكبير إللى حصل فى مصانع الأسمدة عندنا ومجمع سوهاج وطبعاً الصين كبديل آخر لروسيا…لكن بيتفاجىء الإتحاد الأوروبى إن الصين بتحظر تصدير الأسمدة الصينية ليهم الإسبوع إللى فات…■ كده مش فاضل غير مين….!!!■ مصر طبعاً…■ وتوجهت الأنظار كلها ليها…■ بس سبحان الله يا أخى…

■ تظهر مشكلة الكهرباء من تحت الأرض وتتفاقم عشان ينتشر أخبار عن توقف أبو قير للأسمده وخسارتها 53 مليون جنيه فى اليوم ( إشمعنا الشركة دى بس إللى أخبارها ذاعت) توقف الشركة يعنى مفيش إنتاج مفيش تصدير ونقص المعروض وزيادة الأسعار وتفاقم الأزمة…!!!■ فين: أيوه براڤو فى القارة العجوز هتقولى إحنا ذنبنا إيه…؟؟■ هقولك مش ذنبك حاجة بس الهدف أكبر بكتير والخسارة كده كده هتتعوض (بعد فرق السعر طبعاً)

■ والمشهد لازم يكون مقنع ( إحنا معندناش أزمة طاقة… ولازم حضرتك تكون متأكد من كده) إحنا أصبحنا من أكبر منتجين الطاقة فى العالم…■ بس الصين ومصر وروسيا قرروا يِرَكَّعُوا النظام العالمى القديم لإنشاء نظام عالمى جديد أكثر عدلاً…■ عاوز تصدق كلامى أهلاً وسهلاً مش عاوز برضو أهلاً وسهلاً ……يعنى ايه …… يعنى 🔴 رغم التحديات، تواصل مصر تعزيز قدراتها العسكرية والاستراتيجية.🔴 التعاون مع الدول الصديقة ونقل التكنولوجيا يمثلان أحد عناصر القوة للدولة المصرية.🔴 إنشاء احتياطيات استراتيجية من البترول والطاقة يعكس رؤية بعيدة المدى لمواجهة أى ظروف استثنائية.

🔴 الدولة المصرية تعمل على تأمين احتياجاتها فى عالم يموج بالصراعات والأزمات.

🔴 التجارب أثبتت أن الدول القوية لا تُبنى فى أوقات الرخاء فقط، بل فى أوقات التحديات أيضاً.♦️ تعليقى :🔴 العالم كله يمر بمرحلة شديدة الاضطراب، ولم تعد الأزمات قاصرة على دولة دون أخرى.🔴 من لندن إلى واشنطن، ومن موسكو إلى تل أبيب، ومن إفريقيا إلى آسيا، تتغير موازين القوى وتتزايد التحديات.🔴 قد تختلف الآراء وتتعدد وجهات النظر، لكن تبقى الأوطان هى الملاذ الآمن وقت العواصف.🔴 وحين تتكاثر الأزمات من حولنا، يصبح الحفاظ على استقرار الدولة، ودعم مؤسساتها، والعمل من أجل مستقبل أفضل، مسؤولية مشتركة لا تحتمل المزايدة ولا اليأس.

‏🔴 ❤ 🇪🇬 .. حفظ الله مصر ارض وشعب وجيش وحفظ الله الزعيم السيسي البطل ، وحفظ شعوب المنطقة من ويلات الفوضى والصراعات. 🇪🇬🇸🇩 🥀 والحمد لله رب العالمين…﴿ وَاذْكُرُوا اللَّهَ كَثِيرًا لَعَلَّكُمْ تُفْلِحُونَ ﴾ 🥀.